[معلومات العضو zineb_hl]

الموضوع باين من عنوانه اللي حاب يتلفوه من المدرسة يتبعني وش راح نقول
هاذي 15 طريقة للطرد من المدرسة
((دير وش رح نقلك ورح تلقى روحك متلف باذن الله ما تطولش ))

1-ادخل للكلاسة روطار وانت هاز راسك فخر وما يهمكش الاستاذ لوحو فاللور ودير روحك ما علابالكش بيه خلاص

2- حط رجلك فوق الطابلة وقول للاستاذ ان شاء الله ما نعودش ديرونجيتكم كمل وش كنت تقول

3- خرجلهم شكلات والا كسكروط والمخير تعود جايب شيبس هو اللي يدير الحس واقعد كول وزيد اعرض الاستاذ ياكل معاك عيب عليك تاكل وحدك مش عفسة يقلك كول ودرق والا كول وفرق %%%

4- اذا عيط الاستاذ الاسماء ووصل لاسمك قلو: ايه هذا اسمي بصح كي تنطقو قولو بحنان عاود قولو تشوف وبحنااااان****

5- اخزر في السبورة ودير روحك راك فاهم وتفكر بعمق ومبرنشي مع اللي مكتوب وقوول: اهاااااااااا امممممم صحيحة ايه اعطيك الصحة صحيت فحل

6- قول للاساتذة نتاعك يعودو يستناوك وما يعودوش يبداو الدرس قبل ما تجي واللي خير قولهم ما عادش يبداو الدرس قبل ساعتين على خاطر انت ما تنوضش بكري ولا كان غبت قول لهم ما عادش يدوموندو الورقة نتاع الدخول ماكان لاه يكسرولك راسك وجيب معك من الدار غطا باش اذا دخلت للحصة اضربها برقدة كشمن قدك ؟

7- روح لاستاذ السبور وقول له بلي راك مواضب على التمارين الرياضية وزيد دبر عليه وش يدير ونعتلو حركات جديدة ووش يقول انت قول العكس المهم كرهو في النهار اللي زاد فيه

8- ريقل برطابلك يعود يصوني كل خمس دقايق وكل ما يصوني قول للاستاذ راني خارج نهدر الله غالب لازم نهدر تيليفون مهم يستحقوني ايرجون !!!!!

9- هز ايدك فالقسم واذا قالك الاستاذ اهدر قول له: لا لا ما كان والو كمل وش كنت تقول

10- كل شوية سقسي اللي يقراو معاك اذا كاين ريحة فالكلاسة والا راك غالط

11- قول للاساتذة قبل الامتحان بلي راك مريض وعندك القلب وفشل كلوي باه يحددولك الدروس اللي داخلين فالامتحان وما تتعبش روحك فالقراية

12- ديما اقعد متبسم وزاهيتلك فالقسم وما علابالكش بالدنية خلاص ومن بعد اضحك وكي يسقسوك علاه راك تضحك قولهم وانتوما وش دخلكم

13- كي يسقسيك الاستاذ على الوظيفة والا التمرين قول له الله غالب كنت لاتي البارح نتفرج في فيلم جديد وزيد احكيلو على الفيلم و قول له يهبل وروعة وفيلم فور وبلي راك هزيتهولو باه يتفرجو وقول له مش خسارة فيك

14- بعد كل خمس دقايق استاذن الاستاذ وقول له نروح لدورة المياة وكي يعود الاستاذ يشرح فالدرس انت ابدا فالغنى والتبراح فالقسم 000000000

15- كي تصوني لاصونات وتفض الحصة بعد روح للاستاذ وسقسيه سؤال واعر خلي راسو يدور ومع يبدا يجاوب عليك انت روح وخليه يهدر وحدو ودير روحك ما علابالكش بيه خلاص واخرج من القسم

و مبروك عليك التتليفة مقدما

وكان ما تلفوكش بعد هاذو الطرق كامل قوللي وين راك تقرا برك درك نجي نقرا لثم

ههههههههههههههههههههههههههه

---

h`h phf djgt,; lk hgl]vsm h]og ^_^