[معلومات العضو hichame]

السلام عليكم ورحمة الله وبركاته
:
صباحكم و مسائكم أحلى من الشهد و أطهر من الطهر


أحبتي الكِرام
بعد غياب

كل عامٍ وأنتم بألف خير
ويعلم الله كم أحمل لبعضكم من معزةٍ و تقدير
هو قد لايعلمها لأنها بين الحنايا

ولتواصل معكم

طبعًا هذه قصيدة موقف وهي تحكي عن ذاتها

إليكم القصيدة كما هي :

شهرين لي يمكن او اكثـر شويّـه

ماخط نزفي من المشاغيـل اشعـار

لكـن متابـع لشعـر فـي مجيّـه

في شاعر المليون في ساحة الـدار

واليوم ابكتـب مـن قساتـه عليّـه

الصاحب اللي قال اقـوال باصـرار

قال انت بس اسكت واخطـا خطيّـه

وماثمن اللـي قـدره خيـر مقـدار

ياصاح سهمك لي وصـل بالرميّـه

وياعل سهمي لك مـن الله امـرار

مابـيـك روّح لاتجيـنـي هنـيّـه

خلاص قدرك صار مهـدود منهـار

قدمت لك نصحي في قالـب هديّـه

باحلى الكلام معطر بمسك وازهـار

لكـن حسافـه قولتـك ذي لـيّـه

(( انا كبير و ماتعلمنـي صغـار ))

ياهيه بـه نـاسٍ صغيـره وحيّـه

تفهم و تدرك وان حكت صار ابهار

فيها العقل نيّـر ويوصلـك ضيّـه

ويغنيك عن غيره من كبار الاعمار

خلّـك كبيـر وخـلّ كبـرك مطيّـه

واجرح بعد غيرك ولاتنتظـر جـار

قبلـت فيـك وبوجـودك بيـديّـه

وكنت احسبك وافي من عيال الاخيار

ثارت وهاجت بي صفـات الحميّـه

وذكّرت نفسي ابمواقيـف الاطهـار

اللي الى من الغضـب صـار ميّـه

يكظم على غيضه ويقبـل الاعـذار

اشكـرك والله وكلمتـك لـي كيّـه

خلتني اصحى من سباتٍ له اخطـار

والطعنه اللـي جـات منـك قويّـه

تنزف كما مزنه بها سيـل مـدرار

سكت لانـي مـا ابـي لـك اذيّـه

ونفسي مربيها على طيب الاحـرار

ما اعرف الشينه ولا ابغى الرديّـه

ومحشّمٍ نفسي عن افعـال الاشـرار

ياصاحبي وان جـاك منـي عطيّـه

طيب الكلام وحسن الافعـال باكثـار

هذي سواتـي دوم مابغـى جزيّـه

إلا من اللـي عالـمٍ كـل الاسـرار

مسموح سامحنـي ونفسـي نديّـه

لكن ترى امن القهر صار ماصـار

كتبت مـن كبتـي ونفسـي شقيّـه

شافت وعافت لين اعلنـت باجهـار

مجروووح كافي ياقسساااكـم عليّـه

حسّو انا انسان له قلـب و انظـار

يالله ربــي يامـعـظّـم نـبـيّـه

ترحـم بحالـي ياعليـمٍ بـالاقـدار

وسلامتكم

---

rwd]m l,rt >>>