[معلومات العضو «¦[ŁęĩℓăღО]¦» مشرفة سابقة]

بسم الله ابديت ننظم ذا الأشعار * نستفتح وانقول نشرة الأخبار
قاع الناس اليوم تغرس توماطيش * والى طابت يا اخواتي لعقل طار
ما نيشي فلاح ما قالوا لي ناس * ولكن انعيد ما شافت لبصار
تا ماطيش ابدات تفسد فالقمون * وروا لي خضار نحكي لو ما صار
ما هي وقت اللي انشرقها وانريح * راني حاير ما ابقيت انشد الدار
راهو جا خضار يا جمع الحضار * والفلاح ابعيد ما عندوش اخبار
يبغي تاماطيش ولا لخيار * الطرشي والحار خير واختار
شدوا الصناديق راهو قال اقلال * نتفاوض بعد لوزين على الأسعار
كملوا الصناديق خطفوهم لكبار * وانا يا قليل نتوقف محتار
يا عباد الله هذا الفوضى لاه * قسموا الصناديق هذا عيب اوعار
الخضار ايشوفكم يبخس لسعار * ديروا الربوعا وخلوا حق الجار
واحد قال انا انفك الصدرى خير * كيف اندير الراس فالخادم شهار
لبراريك اصحابهم قالوا بجهار * أحنايا ماناش فلاحين اصغار
الزريعا غاليا والنيلو زاد * والسلعا لمخيرا ـ هاجوا لفكار ـ
انجيبوا خضار ألسلعتنا خاص * قال انا حبيت ندي غير الحار
أسيدي كيفاش أسيدي وعلاش * تدي تاماطيش وامعاها لخيار
توماطيش امبزعا تم فالسوق * او لخيار ابنص سوما راهو بار
هذا العام امشات فينا يا لخوان * أنا العام الجاي نغرس غير الحار
الخضارا قاع كلمتهم وحدا * واحنا كل اثنين فينا شعلوا نار
هادوا قالوا ما انبيعوها لفلان * أو لكواجو من الصبح راهم فالدار
أحنا يا هادي انطرحوها لفلان * داروا تيليفون او نشروا لخبار
جا واحد قبلوا وباعوا لوا لخيار * ما قبلوش اصحابهم قالوا فجار
هادوا ناس اكبار ولاشي صبيان * فات اعليكم قرن ما خذتوا قرار
بركاكم من قيل أو من قال اوقال * هذا الوقت اللي ينام اكلاه الفار
هذا واقع يا اخواني مو خيال * والى كان اغلطت نستسمح لخيار
هذا النشرا قالها عبد الرحمان * ماموني من تاخفيف اقصر آثار
نشكر في الأخير المستمعين * وقد انتهت نشرة الأخبار
عبد الرحمان بن محمد ماموني تاخفيف
01/01/97

---

kavm Hofhv hg'lh'l ,hgtghp ( auv j,hjd)