[معلومات العضو krimou]

بدأ المطرب الشعبي، شعبان عبد الرحيم تسجيل أغنية جديدة بمناسبة زيارة الرئيس الأمريكي باراك أوباما إلى مصر، حيث وجه خطاباً للعالم الإسلامي، لقي ترحيباً واسعاً.

وتقول كلمات أغنية شعبان عبد الرحيم الجديدة، ووفقاً لما نقل موقع Egynews التابع لاتحاد الإذاعة والتلفزيون المصري:

من جامعة القاهرة ومهد الحضارة مصر، سمعنا باراك أوباما بيقول خطاب العصر.


علشان مصر الزعيمة اختارها لكلمته، وفاهم قيمة مبارك ومقدّر خبرته.

الكل قاعد منتظر أوباما هيعمل إيه، عايزين تفاؤل حذر منتكلش عليه.

الناس في كل الأماكن بيقولوا أحسن من بوش، وباينه كويس لكن أنا برضه مضمنوش.

كويس مش كويس عايزين يبقالنا دور، وبلدنا فيها ريس فاهم كل الأمور.

يا عربي ياللي واقف تتفرج من بعيد، دي رسالة لازم نفهمها ونستفيد.

يا عربي لم شملك يا عربي كفاية نوم، دي فرصة مش هتيجي ولا تحصل كل يوم.

متفتكروش أوباما ويّاه خاتم سليمان، هيقول افتح يا سمسم تتفتح البيبان.

لا نبالغ ولا بنقل من حبة السلام، وياريت يقدر يحل ميكنش بس كلام.

أصل الكلام كويس والناس بتقول جميل، بس إحنا اللى بيعجبنا بيتعب إسرائيل.

لو كان فعلاً كويس أكيد هيكرهوه، دول شر وكان عاجبهم سياسة بوش وأبوه.

عاملين زي الشيطان بيزِنِوا كتير كتير، ملهمش أمان وعالم مبيحترموش كبير.

أوباما كان خطابه للعالم أجمعين، للأمة الإسلامية ولصاحب أي دين.

بكرة الأيام هتثبت النية فيها إيه، لو خير كله هيدعيله ولو شر هندعي عليه.

فيه ناس مالهمش سيرة بيقولوا اشمعنى مصر، علشان مصر الكبيرة وصاحبة أغلى نصر.

يُذكر أن شعبان عبدالرحيم كان قد قدم أغنية سابقة للرئيس الأمريكي أوباما بعد فوزه في الانتخابات الرئاسية بالولايات المتحدة.

وتقول كلمات الأغنية، التي كتبها أيضاً إسلام خليل: "أنا شايف الابتسامة والفرحة ع الوشوش، إياك باراك أوباما ما يكونش زي بوش."

وحقق شعبان عبد الرحيم شهرة واسعة بعد أغنيته التي لقيت إقبالاً كبيراً وأثارت صخباً جماهيرياً، والتي يقول في مطلعها "بأحب عمرو موسى وبأكره إسرائيل"

---

Hykdm []d]m gJ"auf,gh" flkhsfm o'hf H,fhlh gguhgl hgYsghld