[معلومات العضو maf01]

ردود أعضاء الواحة ..........ومايميزها عن غيرها

ان شاء الله ...الجميع بخير



اليوم موضوعنا



شيق وممتع وفيه شوية من التسلية والجد




في البداية نعطيكم فكرة الموضوع




قمت أنا وكريمة بتجهيز هذا الموضوع




وهو عبارة عن ميزة كل عضو سواء من الإدارة أو من المشرفين أو من الأعضاء




ونشوفوا هذا العضو ما هي ميزته في الردود التي تجعله مختلف ومميز عن البقية




ولردوده نكهة معينة تعودنا عليها ولا نستطيع أن نتخيل ذلك العضو بدون تلك الكلمات

والعبارات.....




وبدون إطالة إليكم ما اخترنا لكم من أعضاء تميزوا بردود تخصهم دون غيرهم








Slimane2222 / هذي جملة عربية وأخرى إنجليزية....لكن الفكرة هي هي ....يعني إجابة سليمانيه... (....)




Zeadrar/ غايب علينا ديما ...اذا حضر ردو شرفي .....هذا بيت شعري وهذا حديث سني.



m_giniral/ رده عالي وسطوره معاني وكلمة الحق عنده شانها سامي.





علال / ردودو قليلة مايدور واذا رد جملته ماطول لكن معناها مايفهمه غير ناس الجود....




Ahmed fcb/ رده موالي وبالدعاوي زاهي مايقول لا فلان لا فلانه غير صحيت يا أختي
وخويا...



kasoft/ ردو صالح مالح لأنو بالتشكيل موالف...كل كلمة ليها حقها وابتسامات تتلاوح..




krimou/ في ردو الخط كبير...والخاطر والحضور حتى هو تبارك الله كثير...واسم الله عاطيه قدرو....بالأحمر مكبرو.



Odali_4ever / ردودها عامية ماهي خايبة ماهي دانية...غير خطرات تتلف لها وتكون نايمة...





coding78 / أنا وحدة عند رده نحبس خطرة نقرا ....وخطرة نتنفس ...لانو فيه عبرة وفايدة وشي الكلام مايتلخص..




Karima / ديما في ردودها حروف صادقة....تبدا بتبسيمة و كليمة زينة....ويازين ماتختم بيه تحياتي واحترامي...




Mabrouk / ردو معقود بالنية في لهبال ....واش يميزه انو يبحث في كل سؤال.....ومعاه الحديث يطوال.....




Leila1962 / ردها عربية مدرجة وفيه نغمة وكلمات مفرقة ....خطرة زينة وخطرة مكرفسة...(ماتكرديش)


كريمو2 / ردودو صايبة وماهي سايبة ....وبكلماته مايخلي ولا شايبة ....ويدور ويدور ومايولي غير للفايدة...




damia / ردودها تبين أنها فاهمة وواعية....خطرات عربية وخطرات فرنسية....وماحرمتناش الانجليزية ...وتناقش وتحلل وتقول والله ماتبقى فيا...




Salim2008/ ردودو ديما حاضرة وعمرها لكانت ساقرة لانو يمد المثل بمدينته الباهرة ( بشار ياك نيشان).....



Angel / ردها بالمثل ملالي وقدره وشانه عالي لأنها شاعره وكل كلامها يهوالي....




gigo_alg / خطو رقيق على هذا بردو مانفيق...لكن اذا قريتو مانضيق...(ايوا كبر خطك باش نولي نثيق)





Tina / ردودها سريعة و بنينة....أنا بعدا نستنى منها غير الورده الحمره الزينة....




Amina / ردودها صغيرة و ظريفة ولازم تكون فيها دقيقة وتزيد معاها تعليقه خفيفه..



Hicham / رده ساعة صواب يدخل للراس وساعة ينسى الموضوع ويركب لك الوسواس.




sabiha / ردودها مليحة وصحيحة وحتى اذا ماعجبها حال ماتقول لك كلمة قبيحة (عاقلة ماشاء الله)



kami / ماعليها غير بالردود الي سبقوا ....تزيد عليه سطر ولازوج وتحطو....(ياك نيشان كامي)



فرح / تبغي شويا تكون صارمة....وفي الحقيقة هي براءة دايمه... وفي ردها لازم تكون كل الألوان باينه


maf01/ عندها الأبيض أبيض والأسود أسود ما تعرف تجامل ولا تتجاهل (واش معناه كريمة هذا ) ....







بعد عرض ميزات ردود هؤلاء الأعضاء




نتمنى ما يزعفوا منا برك




ولعقوبة للبقية وراجعين ثاني ان شاء الله




مع مجموعة اخرى




والفناهم بردود خاصة ووجهات نظرة ظريفة




واي شخص عنده اعتراض يقدم اعتراضه مشكور




هههههههههه حتى ما تقولوا ماكانش ديمقراطية في الواحة



راجعين استناو


تحيات maf01 et Karima

---

h]og,h ikh jgrh, ld.m ;g v] ghuqhx hg,hpi >>>