[معلومات العضو karima مشرفة واحة الأسرة و المجتمع + القسم الأدبي مخلصة الواحة]

جاتنى فكرة هذا الموضوع وانا كل يوم لما نفتح شباك غرفتي ونشوف هذا المجمع الضخم تاع الشناوة
الى احتلوا مساحة واسعة من ارض جيرانا واستغلوها في بناء مصنع ضخم
هنا كل شيء عادي
بصح الى مش عادي إحساسي وانا نشوف بلادي تتبنى على يد الغير
ومن وراء نافذتي وعلى ما أظن صراتلي عقدة من هذا المنظر نشوف في هذوك الشناوة وكانهم نمل من كثرة النشاط
وإحنا شبابنا متكى على الحيط
ايه وانا نتفرج ( شعب التفراج ) ككل يوم كيف سرعة العمل عندهم اكبر من سرعة النت عندي

كيف الحياة عندهم مليانة حيوية وأنا القهر قتلني
كيف وانا من اسبوع لما تغير شوية جو تقطع الكهرباء من عدنا ( يومين من الصباح للعشية )
وهما جيران بصح سبحان الله ولا شيء تغير كاين نور كاينة خدمة ما يحبس عندهم والو وكانهم هما في عالم واحنا الجزء الصغير الى قريب منهم في عالم
ايه وحتى القطط المتشردة دارولها حل ( اكل ليهم يعني )
عجبي وانا نفتح الموضوع مع العائلة قالولي هم ناس خدامة ماشي كيما حنا والى يتبنى عدنا في 3 سنين هما في شهرين اخلصوه يعني العائلة وهي جزء من المجتمع راهي سلمت بلي الأغراب هما صناع الجزائر
يبقى شيء واحد انه الرئيس يولى شينوي وهكا تزدهر الجزائر دامنا شعب يعرف أخطائه بصح ما قادر يعمل شيء
يومياتي مع الشناوة قاهرتني ومعذبتني وعملتي عقدة الشناوة
يلا طولت نخليكم مع حكايتي

---

p;hdjd ,hgakh,m