[معلومات العضو «¦[ŁęĩℓăღО]¦» مشرفة سابقة]

السلام عليكم

باينة بلي كاملة منيرفياتكم قناة اليتيمة
لا حصص في المستوى ، لا صورة مليحة
لآ واااااالو 0
يغيظني الحال نكون نتفرج مرات على القنوات المغربية او التونسية
(الي عندنا امكانيات احسن منهم)
عندهم صورة واضحة تقول مراية وحنا اليتيمة صوتها مغوووبشة

ايا كنت مسالية كتبت هذا الشعر الملحون
باش نڤمبرو شوية باليتيمة



ان شاء الله يعجبكم

يا يتيمة يا ختي واش راكي تســـــــالي فيـــــــــــــنا
خرجتينا من عقلنا حشمتــــــينا وباغا تــــــــــهبّلينا
واش هاد التغنديف الصورة عمــــــات لينا عينــــينا
تعلمي شوية من جيرانك والقنـــــوات الي تزهـّـــينا
لا حصص في المستوى وغي بالخرطي داخلة علينا
لي شافك يا يتيمة يقول فالثمانينات راكـي بهدلتينـا
واش نسالوك يا يتيمة غير شوية تـــــهلاي فيــــنا
بغينا غير برامج مفيدة وصورة واضـــــحة وزوينة

°•.♥.•°


شوفي غير الدوزام ونسمة وتعلمي منهم التقنيـــة
مادابينا نتفرجو ليك نتيا واش حازنا فالــــــبرانية
حنا في حنا نتطورو وننافسو الامبيسي والعربيــة
الشكارة كاينة خاص غير لي يجتهد و يخدم بالنية

°•.♥.•°

وينتا يا يتيمة تتقدمي شوية رانا خلاص ملّينــــــا
الصورة تقول بـ 3gpعيب عليك حشمتي بينــــــا
اش هاد الشي الشاشة تقول مكبوبة عليها الفرينة
وينكم يا سيادنا شوفولنا حل لهاذ لغبيـــــــــنــــة





[بقلمي]

---

FfrgldD td oh'v hgdjdlm (hgjgt.d,k hg[.hzvd)