|
لي تبع لماتش يدخل
السلام عليكم واش لحالة [عزيزي الزائر يتوجب عليك التسجيل لمشاهدة الروابط .. للتسجيل فضلاً اضغط هنا] لي تبع لماتش تاع ليوم مرحبا بيه معانا ليوم ويتفضل يفرغ واش كاين في قلبو -- أهم النقاط -واش رايكم فالاداء الاجمالي للمنتخب ؟ -واش صح سعدان راه يخبي كاش حاجة للمونديال ولا صح ليكيب راها عيانة؟ -اللاعب منصوري؟ و و و ولا كل خطرا يخرجو لينا باسم جديد صايفي غزال و و -واش رايكم فاللاعبين جداد؟ -هل من حق الجمهور يصفر على اللاعب منصوري عند خروجه من الملعب؟:0122-itwasntme: و و و و كملو من عندكم لي عندو راي يقولو رانا في قهوة الواحة :0140-rofl: |
السلام عليكم
الماتش اليوم كان مقبول نوعا ما بصح ياحسراه سعدان من الذيوبا لكبار (داهية) مراهش باغي يكشف اوراقه ان شاء الله الوجه الحقيقي للمنتخب نشوفوه في المونديال مساكين يلعبو بالقلب ويباطايّو لاعلاه الله غالب شوية الزهر ماكان باش يماركو منصوري كان مطيرها ليا بصح اللقطة الي داروها ليه شفني مسكين :0107-sweating: صح مستواه عيان ، بصح ما نلوموهش هو ، وفي نفس الوقت ما نلوموش سعدان ، لانه كان باغي يعطيه فرصتو في هاذ المباريات الودية باش يبرهن على مستواه قبل المونديال اللاعبين الجداد ماشاء الله عليهم بالرغم انو مزال ما اندمجو مليح مع الفريق ولكن يبشروا بالخير والفريق الوطني عندو مستقبل زاهر بالانتصارات ان شاء الله ، فهاد اللاعبين الجداد حتى اذا ما استفدناش منهم في المونديال بالشكل الي بغينا رايحين نستافدو منهم مستقبلاً ان شاء الله المهم حنا لازم نشجعوهم في كل الأوقات موش فالربحة نخرجو فارحين وفالخسرة نبقاو نستهزؤوا بيهم هادي قاع موش خدمة وانا الي نشوفو زاعف ويعطيعهم على راسهم:SugarwareZ-037: في الخسرة نقوليه "بلع فمك عندك تبين كمارتك كي نربحو" والله عجب فالربحة يقعدو يشطحو وكي يخسرو يعطوهم على راسهم !!! القوم باغية غي تربح ، وهومامن قبل كاس افريقيا ماكانو يطمعو بيه ، حمدو ربي وسكتو !!!! اذا ما شجعناهمش حنا شكون لي باغي يشجعهم ؟ تتسناو هاد لعرب لحسادين نتاعنا يشجعوهم ؟ يعرفو غير يتشفاو فينا فالخسارة ايوا على بيها يخصنا نكونوا مع الفريق الوطني ونشجعوه فالخسارة قبل الربح :002: |
عندك لحق يا ليلى في بعض النقاط -احنا معا المنتخب الوطني رابح ولا خاسر وهذا مش نادي هدا فريق راه يمثل الجزائر قاع يعني لازم نصبروا عليه -ومن جيهة تصفيرات الجماهير نقول كلمة برك أظن انها من حقها تصفر أظن أنه الأسلوب الأمثل والجماهير راها تخلص باش تتفرج -لكن أداء المنتخب راه مخوفني ناس راها توري في عضلاتها وحنا مانعرف تقول راه عندنا قنبلة نووية -اللعبين الجديد قدموا لي عليهم بقا ليهم الاندماج برك -اللاعب منصوري لغز من جيهة من حقو يلعب لمونديال ومن جهة من حق الجمهور يشوف أداء جيد للاعب والمنتخب ككل هذا لي عندي درك الى كاين شي نزيدو من بعد .. |
| الساعة الآن 12:33 AM. |
Powered by Alwaha® Version
Copyright ©2000 - 2026, Jelsoft Enterprises Ltd.