alwahatech - بــ دموع صمتي

بــ دموع صمتي

مغرورقه عين الرضى بدموع صمتي والجحود****تضحك وانا ادري انّها ترمي علي اوزارها

وقتٍ مضى يامصعبه ياليت يبطي مايعود****ليت الطيور اللي رحلت ترجع تزور اوكارها

الوقت مبطي ماضحك والعمر ينقص مايزود****والشخص يطمح للحياه الدانيه بثمارها

والغيم معناه الأمل والغيث يحيي كل عود****والعزم شمٍ شامخه لو هي صغار حجارها

ماجور ياذيب المراجل والشهامه والصّمود****يابوي جعل العافيه تكسيك طُهر وزارها

يابوي لـ الله حكمته في شأن تدبير الأمور****والخيره المولى تعالى ربنا يختارها

يابوي لو هي في يدي والله لأشيل اللهود****عنّك لو ادري انها تحرق حشاي بنارها

يابوي انا فدوة حفى رجلك وهي تاجي وزود****للهامه اللي رافعٍ ماطاك من مقدارها