|
شكون فيكم عقلية نورمال ؟؟؟؟؟
السلام عليكم ورحمة الله ------------------- نبذة عن عقلية النورمال Normal نورمال في الجزائر عقلية لا تتضح معالم بدايتها قد ننسبها الى فترة الانغماس في تحديد الهوية التى لازالت الى الان لم تستقر قد نقول انها من مخلفات الاستعمار بناءا على ان الكلمة بحد ذاتها اجنبية ------------------ ما عليه المهم انه لا يمكن انكارها ابداااااا:0107-sweating: ....:0011: عقلية النورمال، جمدت المبادئ والقيم، ونحرت الثقافة والعقلية، وخربت الأيادي العاملة، وقدمت الأفكار البالية، وساعدت في نشوء جيل “نورمالي” متعود على كل شي ممكن يكون.. في آخر كل ذلك الحديث نختم كلامنا بالقول “نورمال.. واش نعملو” .:0011: الجزائري الذي لديه مبادئ لم يعد نورمالا يعني أصبح آنورمال anormal ياك يقولوا في بلادنا “كلش نورمال”.. والإنسان المعوج والإدارة المعوجة أصبحت هي النورمال، الرشوة نورمال و أنواع الفساد كلها نورمال، والتسول نورمال..والبطالة نورمال ..والحرقة نورمال ومنها ظهرت مفاهيم نورمالية جديدة الرشوة قهوة والربا فائدة والسرقة خدمة.. ....... النورمالمو Normalement كلمة لها علاقة كبيرة بالجزائر، لأن أي شيء من المفروض (أو نورمالمو) يكون، فإنه لن يكون مثل أن تقول “نورمالمو البلدية تخدمنا الطريق قبل الشتاء، أو نورمالموا مناصب الشغل المعلن عنها تكون من نصيب الذى ينجح في الكونكور ماشي الى باباه واصل.. نورمالموا كي نروح لاي ادارة في خدمة الشعب ما يعصبوا اعليا وحسونى انهم يخدموا بمزيتهم ... نورمالموا العدس واللوبيا والسكر يهبط السعر تاعهم ماشي يطلع نورمالموا تكون عدنا قنوات رياضية ماشي نشحتوا شكون الى يعطينا حقوق البث نورمالموا مادامنا عرب نتكلموا العربية ماشي حتى توصل يعايرونا بالمترجمين أو حتى نورمالمو يعطوا العهدة الخامسة لبوتفليقة بدون ما يضيعوا مال الشعب نورمالموا كي نمشي في الشارع نمشى في الطرطوار وهناك امثلة بزاااااف “النورمالمو آنورمال في بلاد كلش نورمال..فلسفة جزائرية كاين الى يعرفها وضدها وكاين الى يعتبرها حاجة هايفة نورمالمو ما نتكلموا فيها وكاين الى لقى روحو فيها ...الله غالب اتحكمت واتمكنت وفي الاخير نتمنى تفاعلكم مع الموضوع وكل واحد يعطينا رايه في هذه العقلية:0142-happy: -------------------- ملاحظة : اقتبست الفكرة من احدى المدونات الجزائرية ------------------ |
كلمة نورمال في الجزائر ولات عندنا نورمال ... الله و اعلم بالاك راها بايناتلك أنورمال ... لاخاطر نورمالمون حتى نتيا جزايرية ولا والو ... ههههههههههههه ... غير نقصر ... حنا نقولوا كي واحد تطلب منه حاجة و يقولك نورمال ما تخافش و لا ما كان حتى مشكل كونك مهني اووو تما عاد وين تخاف .... و رغم كل شيء تحيا الجزائر ... بالتوفيق |
وعليكم السلام ورحمة الله تاعلى وبركاته
يعطيك الصحة ختي كريمة على الموضوع ....حاجة مليحة نتكلمو على وحدين مواضيع كثير منا يعتبرهم حاجة تافهة ....كيما قلتي نتي ....بصح واش نقوليك اختاه هدا المواضيع هما لي يخلونا نعرفو اكثر الحالة لي رانا عايشينها .....ومناقشتها ممكن نلقاو حلول ليها ......... ................. صح علابالك هدا الكلمة ولا اكثر من نورمال .........ولات مرض يعني كل واحد جزائري اخد معنى غريب على هده الكلمة .........ماعرفت علاه .......يعني بهدا الكلمة ولات الناس تحلل وتحرم ... انا بعدا هدا العقلية ماتعجبنيش مع ان مرات نلقى روحي فيها .......ونقول نورمال .... بصح مدابيا لوكان نلقاو حل لهده العقلية ..علابال بيها الفساد راه بدا ينتشر فالبلاد ....... الله يصلح امورنا ويهدينا .......... تحياتي واحترامي |
بالطبع هذه الكلمة أصبحت مألوفة عند كافة الجزائريين
حتى أصبح البعض يوضفها في غير محلها ووحتى بعض الامور نروهم نووورمال رغم انهم غير ذلك الله غالب لازم تتمشى حسب المجتمع لي راك عايش فيه باش تعيش نورمال شكرا عزيزتي كريمة |
نوووووووورمال فكرتيني بالحصة الفكاهية"الفهامة" هذا الكلمة أصبحت تستعمل للدلالة على عكس معناها الحقيقي بالمعنى كي نقولو نوووورمال فالمقصود هو أنه المفروض عكس الواقع تحياتي |
اقتباس:
ههههههههههههه ايه رغم كل شيء تحيا الجزائر خويا سليم ...عقلية نورمال تبان ليا عقلية مستسلمة يعني شخص كل شيء عنده عادى ...ويتوقع اي شيء بدون ان يكون له موقف ضد يعني ما يهمه كل شيء نورمال ...وللاسف العقلية هذه موجودة عدنا ممكن لدى البعض حاجة عادية ... وهي نتيجة حتمية للظروف التى مر بها المجتمع الجزائري بصح تبان ليا عقلية سامطة ...مش عارفة ممكن حتى انا عقلية نورمال :mad: بصح النى متاكدة منه انى ضد هذه العقلية الراضخة شكراااا مرورك تحياتي واحترامي |
اقتباس:
شكرااااااا بزااااااااف اميرة على مداخلتك الجميلة تحياتي واحترامي |
السلام عليكم ورحمة الله
اقتباس:
اممممممممم امالا هكا غانو لازم اعلينا نسايروا حتى نعيشوا نورمال ؟؟؟ حتى هذه عقلية مستسلمة ...لانه اذا شفنا العوج وتبعناها او سكتنا اعليه شو الفايدة مننا ...وجبتيها عزيزتي غانو انه فعلا في مجتمعنا هناك امور غير طبيعية لكن بطبيعة هذه العقلية ...البعض يهرب من المواجهة ويلبس عقلية كل شيء نورمال شكرااااا مرورك اختى غانو تحياتي واحترامي |
اقتباس:
صحيح اخى تماما مثل الهروب يعني اذا قلنا نورمال هذاك الشيء ...فهو مش نورمال بصح وعلاش يعني نقولوا هكا ؟؟؟ يعني اعلاش ما نعبروا بكل تلقائية وعلاش ديما نكونوا في عالم افتراضي ااممممممممم الله يجيب الخير شكراااااااااا مرورك تحياتي واحترامي |
السلام عــــــــليكم ورحمة الله وبركاته شخصياً و حسب ما عايشته .. كلمة نورمال يستعملها الكثير من النأس لتبرير تصرفات غير مقبولة يقومون بها .. كأن تتفق على ميعاد مع أحدهم و يأتيك متأخراً بنصف ساعة أو ساعة كاملة ثم يبرر تصرفه بكلمة "نورمال" !! ... بمعنى أن لا قيمة للوقت عندنا في موقف كهذا أو أن ما أتفقنا عليه ليس بالمهم موقف أخر .. كأن تحكي سر لأحدهم ثم يفاجئك طرف ثالث بمعرفة ذلك السر .. و عند ما تستفسر أو تحتج تصــــــــادف بكلمة "نورمال" فلان أي الطرف الثالث صديق و لا أستطيع أن أخفي عليه أسرار ... !!! هناك الكثـــــــير من الأمثلة لكن سأختصر و أقول بأن كلمة "نورمال" جعلــــــــتنا نخسر الكثير من الأشياء و نتأخر في الكثير من المجالات .. لكن مع كل هذا لا يسعني إلا أن أقول "نورمال" .. واش نديرو بالتقدم و مسايرة الدول الأخرى ؟ خلونا في نورمال :0120-nod: اذا تغيرنا رايحين نمرضو نتاع الصح الله غالب زدنا و تربينا في نورمال :Gm_007: |
| الساعة الآن 04:09 PM. |
Powered by Alwaha® Version
Copyright ©2000 - 2026, Jelsoft Enterprises Ltd.