|
تخيلوا شابة تخطب شابا
المهم .. تخيلوا شابة تخطب شاب يعني تتفاجأ في يوم وانت قاعد تقرا كتاب رومانسي وأنواع الأحلام(ياي) و سرحان في فارسة احلامك على حصان ابيض.. فجأة امك تدخل عليك و تقولك: يا ولدي يا ولدي بغيت نكلمك في موضوع. . ترد انت بكل خوف : خير يايما؟ .... تقول امك: شفت جارتنا (فلانه) بغات تخطبك لبنتها. وانت ماشالله كبرت و زيانيت . ها وش رايك؟ .... ثم تنزل انت راسك في الارض و تلعب باصبعك في شعرك (او شلاغمك) و ترد و انت حشمان و خدودك حمرة (هذا اذا كنت محلق اللحية) و تقول: .... الراي رايك يايما.. تقول امك: انا بصراحة ما شفت في البنت شي عيب. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. . يعني بنت وعليها لكلام. . تقول انت : بس يا يما هي ما شافتني من اول. انا دايمن في الدار (والله عيب بصح نكمل) تقول امك: هي شافتك و انت نازل من الدروج (الله اكبر)... ..و سألت عنك و قالو لها ولد هايل ومتربي و ما يخرجش الا مع بوه. (والله حشومة بصح نكمل) وراها هي و امها جايين يوم الخميس باه يشوفوك.. تسال انت: يا يما بابا وش رايه؟ تقول امك: ابوك ما يدري خليه حاصل في المطبخ الله يعينه.. تقول انت :اللي تشوفيه يما. .وتخرج امك من الغرفة وتنقز انت قدام المراية و تاخذ نص دورة يمين و نص دورة شمال و تمشط شعرك و شلاغمك (ياعمري) و تقول : اه اخيرا حسَت و خطبتني. ( لا لا لا والله ماتصلح بصح نكمل) و قبل يوم الخميس تروح انت لكوافيير رجالي و تكون درت حجز و تقعد و تصبغ شعرك (واو) و تزين حواجبك و تطلع زي فلقة القمر وتجي للدار و تلبس الثوب اللي فصلته عند المصمم وذاك العطر اللي يشق الخشم و تهبط للصالة ويقولك ابوك : يالله دخل العصير على خطيبتك تقول انت بكل خجل: واي واي يا بابا انا نحشم ...... تخيلوا.. |
هههههههههههه ايه غير لوكان جينا حنا اللي نخطبوهم روعة قريت الموضوع نتاعك وشبعت ضحك والله غير اعطيكي الصحة اختي امال شكرا
|
تقول امك: ابوك ما يدري خليه حاصل في المطبخ الله يعينه.. هههههههههههههههههههههههههههههه ههههههههههههههههههههههههههههههه ايوا ما بقالك غير تلبسينا الحايك ولعجار "اخطب لبنتك ولا تخطب لابنك"هدا اللي كـــــــــــــان خاص شكرا أمولة على الموضوع الخفيف الروح يقــــــــول المثل أنا شخصيا لا أرى مانعا أن يخطب والد البنت لابنته من يتوسم فيه الصلاح والأخلاق حتى يضمن لابنته حياة هنيئة طبعا ليس الى الحد الذي ذكرت في موضوعك وما لا يعرفه الكثير أن ظاهرة خطبة البنت للشاب قديمة في بريطانيا إذ أنه كل أربع سنوات وبالضبط في 29 فيفري أي في كل سنة كبيسة يحق لكل فتاة طلب يد حبيبها للزواج وله الخيار إما الموافقة أو إعطاء الفتاة هدية ترضية لها و تعرض محطات التلفزة هناك فقرات خاصة بهذا اليوم المميز خلال برامجها الصباحية، وتقوم بمرافقة عدد من النساء اللاتي يعمدن لمفاجأة من يحببن وطلب يدهم للزواج مباشرة على الهواء على مرأى ومسمع من ملايين المشاهدين في بريطانيا وخارجها. |
شكرا على الردود
|
انا في نظن راها قريب مانولو نشوفو البنت هي الي تخطب الولد .
|
السلام عليكم ورحمة الله
ههههههههههههههه مسكين حشام زعما وتنقز انت قدام المراية و تاخذ نص دورة يمين و نص دورة شمال و تمشط شعرك و شلاغمك :clap: صحيتي امولة والله غير ضحكتينا تحياتي واحترامي |
مشكورين على المرور الكريم
|
ههههههههههههههههههههههههههههههههههههه قريب
|
ههههههههههههههههههههههههههه
///////////////////////////// بدون تعليق |
لأنهن ساذجات وناقصات عقل ودين ...... أعتقد أنهن سيفعلنها خاتش قاعدين بلا صلاح :mad::mad::mad: |
هذا الي كان خاصنا
قضينا و قضى خبرنا |
نورتو الموضوع بردودكم
مشكورين |
موضوعك عجبني بزاف وضحكني
ياريت جينا حنا لي خطبو مع تحياااااااتي |
| الساعة الآن 07:09 PM. |
Powered by Alwaha® Version
Copyright ©2000 - 2026, Jelsoft Enterprises Ltd.